WhatsApp билдирүүнү алдын ала даярдоо функциясын ишке киргизет 

WhatsApp мессенжери жакында көптөн күткөн жаңы функцияны ишке киргизет. Бул тууралуу чет элдик басылмалар жазышты.

Маалыматка караганда, эми WhatsApp мессенжери аркылуу билдирүүнү алдын ала даярдап, каалаган күндү жана убакытты тандап жөнөтүүгө болот. Билдирүүнү алуучуга кат пландаштырылганы көрүнбөйт, реалдуу убакытта жазылгандай болуп барат.

Мындай пландаштырылган билдирүүнү жеке жана топтук чаттарга жөнөтсө болору маалым болду. Бул функция маанилүү нерсени унутуп калуудан корккондор же ыңгайсыз учурда башкалардын тынчын алгысы келбегендер үчүн эң сонун табылга боло алат.