Муфтият Чубак ажы Жалиловдун элесине арналган Куран жарышын өткөрөт

Кыргызстан мусулмандарынын дин башкармалыгы белгилүү дин аалымы Чубак ажы Жалиловдун жаркын элесине арналган Куран жарышы уюштуруларын билдирди.

Маалымдалгандай, Куран жарышы 1-2-апрель күндөрү Жалал-Абад облусунун Манас шаарында өткөрүлөт.

Жарыштын критерийлери жана катышуу шарттары төмөндөгүдөй:

Критерийлер:

• Курандын толук 30 парасын тажвид эрежеси менен жатка билүү.
• Курандын 20 парасын тажвид эрежеси менен жатка билүү.
• Курандын 10 парасын тажвид эрежеси менен жатка билүү.

Талаптар:

• Катышуучу Кыргызстандын жараны болууга тийиш.
• Катышуучунун жаш курагы 35 жаштан ашпашы керек.
• Эл аралык жарыштарда байгелүү орундарды алгандар жарышка катыша албайт.
• Жарышка катталгандан кийин сынактан баш тартууга болбойт.
• Кечигип келген катышуучулар жарышка киргизилбейт.

Кошумча маалыматтар:

• Муфтияттын облустук жана шаардык өкүлчүлүктөрү тарабынан 2026-жылдын 27-мартына чейин аймактык тандоо турлары өткөрүлөт.
• Тандоо турунун жыйынтыгында 30, 20 жана 10 пара номинациялары боюнча 1-орунду алган катышуучулар финалга жолдомо алышат.
• Ал эми 2-апрелде жеңүүчүлөрдү сыйлоо аземи өткөрүлөт.