Ошто алдамчылыкка шектүү жаран кармалды

Ош шаарында алдамчылыкка шектүү жаран кармалды. Бул тууралуу 27-февралда шаардык милициядан билдиришти.

Маалыматка ылайык, 23-февралда Кара-Суу районунун тургуну милицияга арыз менен кайрылган. Анда өзүнө тааныш болгон жаран 2025-жылдын ноябрь айларында ишенимине кирип, 2 тилке жер (чек) сатам деп убада берип, акча каражатын жана автоунааларын алып, бүгүнкү күнгө чейин жер тилкелерин бербей, качып жүргөндүгү көрсөтүлгөн.

Арыз ээсинин маалыматына ылайык, алгач 350 миң сом, андан кийин 100 миң сом акча каражатын берген. Мындан сырткары, ВАЗ-2107 үлгүсүндөгү автоунаасын 100 миң сомго, Элентро үлгүсүндөгү автоунаасын 700 миң сомго баалап берген. Жалпы келтирилген материалдык чыгым 1 миллион 250 миң сомду түзгөн.

Ыкчам иликтөө иш-чараларынын жүрүшүндө 1986-жылы туулган И.И. аттуу Кара-Суу районунун тургуну аныкталган. Ош шаардык сотунун чечими менен шектүүгө карата 2 айга камакка алуу чарасы тандалган.

Белгилей кетсек, шектүү буга чейин да ар кандай кылмыш иштери боюнча бир нече жолу соттолгон. Азыркы учурда тергөө иштери улантылууда.