Израилдин Ливанга кол салуусунан кеминде 31 адам каза болду

Ливанда Израилдин кол салууларынан 31 киши каза болуп, 149 адам жаракат алды. Бул тууралуу өлкөнүн Саламаттык сактоо министрлигине таянып, чет элдик басылмалар жызышты.

"Израил аба күчтөрүнүн Ливандын түштүгүндө жана Бейруттун чет жакаларында жасаган чабуулунун кесепетинен 31 адам каза болуп, 149 адам жарадар болду",- деп билдирет Al Jazeera телеканалы.

Буга удаа Sabereen News өзүнүн Telegram каналында Израилдин Ливандын Шехабия шаарына жасаган чабуулунан үч жаран каза болгонун кабарлады.

Израилдин Коргоо күчтөрүнүн басма сөз катчысы 2-мартта Ливандагы Хезболланын буталарына сокку ура баштаганын жарыялады. Бул аракеттер Хезболланын Израил аймагына карата чабуулдарына жооп катары жасалган.

Буга чейин Израил армиясынын басма сөз кызматы 28-февралда Ливандын түштүгүндөгү Хезболланын инфраструктуралык объекттерине сокку урулганын билдирген. Муну Израил армиясы Хизболланын ок атышпоо келишимин бузганы менен байланыштырган.