УИАда “Улуттук дем – дүйнөлүк бийиктик” курсу аяктады

Бүгүн, 2-мартта Улуттук илимдер академиясында илимий институттардын жетекчилери үчүн уюштурулган окуу курсу аяктады. Иш-чара президенттин администрациясы тарабынан өткөрүлгөн.

Маалыматка ылайык, окутуу курсу президенттин “Улуттук дем – дүйнөлүк бийиктик” доктринасы тууралуу жарлыгын ишке ашыруу максатын көздөдү.

Жыйынтыктоочу иш-чарага Мамлекеттик катчы Арслан Койчиев катышып, доктринанын мазмуну жана анын билим берүү тармагындагы мааниси тууралуу пикирин билдирди. Ошондой эле курс угуучуларына сертификаттарды тапшырды.

Окууну аяктаган жетекчилер алган билимдерин өз мекемелеринде колдонуп, доктринанын жоболорун коомчулукка түшүндүрүүгө, жаштардын улуттук аң-сезимин калыптандырууга жана маданий мурастарды сактоого салым кошо алышат.