Казыбек Молдажиев Кытайда сүйлөшүүлөрдү өткөрдү

Бүгүн, 2-мартта Дене тарбия жана спорт мамлекеттик агенттигинин директору Казыбек Молдажиев Кытай Эл Республикасына болгон жумушчу сапарынын алкагында Пекин шаарында Чжан Син менен сүйлөшүүлөрдү өткөрдү. Ал Yunnan SCO Culture and Sports Co. Ltd. компаниясын жетектейт жана Куньминдеги ШКУ марафонунун уюштуруучусу болуп саналат.

Аталган мекемеден билдиришкендей, жолугушууда Бишкекте өткөрүлүшү пландалган эл аралык “Run the Silk Road” марафонун уюштуруу, ошондой эле Шанхай кызматташтык уюму алкагында спорт министрлеринин жолугушуусун даярдоо маселелери талкууланды.

Тараптар аймактык кызматташтыкты өнүктүрүү, спорттук инфратүзүмдү чыңдоо жана биргелешкен долбоорлорду ишке ашыруу боюнча мындан аркы өз ара аракеттенүүгө даяр экенин билдиришти.