Жогорку Кеңеште органикалык жер семирткичтер боюнча тегерек стол өттү

Жогорку Кеңеште “Органикалык жер семирткичтер: сапаты, сертификациялоо жана рынокко чыгуу мүмкүнчүлүктөрү” аттуу тегерек стол өттү. Бул тууралуу Жогорку Кеңештин басма сөз кызматынан билдиришти.

Маалыматка ылайык, иш-чарага тиешелүү адистер, мамлекеттик органдардын өкүлдөрү жана ата мекендик өндүрүүчүлөр катышып, өз продукцияларын тааныштырышты. Анда жүндөн, биогумустан, биокомпосттон жана башка чийки заттардан өндүрүлгөн органикалык жер семирткичтер тууралуу кеңири маалымат берилди.

Эл өкүлү органикалык айыл чарбасын өнүктүрүү багытындагы иштер мындан ары да улантыларын белгилеп, бул тармакты мыйзамдык жана уюштуруучулук жактан колдоо чаралары күчөтүлөрүн айтты.

Жыйынтыгында органикалык жер семирткичтерди өндүрүүнү колдоо, сертификациялоо механизмдерин өркүндөтүү жана мамлекеттик менен жеке сектордун кызматташуусун кеңейтүү боюнча сунуштар иштелип чыкты.