"Жеке жашоомду бузуп". Кокулов жол тескөөчүлөр аны мазактаганын айтты (видео)

Бүгүн, 4-марттагы Жогорку Кеңештин жыйынында депутат Эрулан Кокулов Милициянын кайгуул кызматынын кызматкерлери аны мазактаганын айтып чыкты.

Эл өкүлүнүн айтымында, анын кол тийбестигине карабастан ага карата тинтүү иштери жүргүзүлүп, протокол түзүлгөн.

"Кыргызстанда Конституция деген бар. Анда биздин жеке жашообуздун купуялуулугу жана депутаттын кол тийбестиги боюнча жазылган. Жакында эле мен тууралуу видео тарады. Хайп кармап, мени каралоо менен алек болуп жатышат. Ал жерде мыйзам бузуу саат 7де болгон, алар менин үйүмө саат 11де келишти. Тинтүү иштери менен унаамды табышкан. Мага тинтүү жүргүзүүгө болбойт.

Эмнеге менин жеке жашоомду бузуп, мени мазактап, интернетке чыгарап жатасыңар? Силер хайп кууп, Жогорку Кеңештин депутатын, элдин уулун мазактап жатсаңар, силерге кантип элден экзамен алуу мүмкүнчүлүгүн берели",- деди депутат.