УКМК депутаттын айтканына жооп берди

Улуттук коопсуздук мамлекеттик комитети Жогорку Кеңештин депутаты Уланбек Жаанбаевдин өлкөгө акча каражаттарын алып кирүүдө жаралып жаткан көйгөйлөр тууралуу айтканына комментарий берди.

Атайын кызмат акча каражаттарын мамлекеттик чек ара аркылуу алып өтүүгө көзөмөл өлкө мыйзамдарынын жана өлкөнүн эл аралык милдеттенмелеринин чегинде гана жүзөгө ашырыларын белгиледи. УКМК андай чаралар каржылык коопсуздукту камсыздоого жана мыйзамсыз каржылык операцияларга каршы күрөшүүгө багытталганын кошумчалады.

Айта кетсек, парламенттин 4-марттагы жыйынында Жаанбаев ишкерлер өлкөгө акча алып келүүдө көйгөйлөргө туш болуп жатышканын билдирген. Ал УКМКнын 30-башкармалыгынын кызматкерлери Ош жана Бишкек аэропортторунда акча каражаттарын тартып алып жатышканын айткан.