Улукбек Карыбек уулу Алиевге кыйыр түрдө сын айтты

Бүгүн, 5-марттагы Жогорку Кеңештин жыйынында депутат Улукбек Карыбек уулу эл өкүлдөрүн талкууларда жекеликке өтпөөгө чакырды.

"Бизде мыйзамдын сапаты, деңгээл абдан түшүп кетиптир. Мыйзамдагы кемчиликтерди, катарларды белгилесек, юридикалык негиз таппаганда, анан жекеликке өтүп, бири-бирибизди жамандап, сын айтып баштайт экенбиз. Эгерде биз өзүбүздү кесипкөй, кыйын сезсек, Кыргызстандагы жападан жалгыз юрист сезсек, анда ошол мыйзам менен деңгээлибизди көрсөтөлү",- деди ал.

Эске салсак, 3-мартта Жогорку Кеңештин Эмгек, салматтыкты сактоо, аялдар иштери жана социалдык маселелер комитетинин жыйынында депутаттар Медер Алиев менен Улукбек карыбек уулунун ортосунда кайым айтышуу орун алган. Отурумда Алиев демилгечи болгон баңгизатка байланыштуу мыйзам долбоору каралып, анда Карыбек уулу долбоор боюнча тактоочу суроолорду узаткан учурда экөөнүн ортосунда түшүнбөстүк жаралган.