Бахрейнде аба коңгуроолору жаңырды

Бахрейн аймагында аба коңгуроолору жаңырып, тургундарга коопсуз жайларга жашынуу сунушталды. Бул тууралуу аталган өлкөнүн ички иштер министрлигине шилтеме берүү менен чет элдик басылмалар жазышты.

Маалыматка ылайык, коңгуроолор жаңыргандан кийин жарандар менен өлкө тургундарына тынчтыкты сактап, жакынкы коопсуз жайларга баруу сунушталган.

"Сиреналар жаңырды. Жарандарды жана өлкө тургундарын тынч болууга жана жакынкы коопсуз жайга барууга чакырабыз", — деп айтылат X социалдык тармагында жарыяланган билдирүүдө.

Учурда коңгуроолордун жаңырышына эмне себеп болгону тууралуу кошумча маалымат бериле элек.