Ирандын башкаруу кеңеши коңшу өлкөлөргө ракеталык чабуулдарды токтотууну буйрук кылды

Ирандын президенти Масуд Пезешкиан коңшу өлкөлөрдөн Иран армиясы жасаган соккулар үчүн кечирим сурап, алардын аймактарына чабуулдар токтотулганын жарыялады.

"Ирандын атынан мен кол салууга кабылган коңшу өлкөлөрдүн алдындан кечирим сурашым керек. Убактылуу башкаруу кеңеши биздин куралдуу күчтөрүбүзгө коңшу өлкөлөргө ракеталык чабуулдарды токтотууну тапшырды, эгерде алар бизге кол салууга аракет кылышпаса. Мен айткандай, Иран кошуналарына басып кирүү ниетинде эмес. Иран бир тууган кошуналары менен болгон мамилелеринде дипломатияга таянат", - деди ал Иран телеканалынан.

Пезешкиан Израилге жана АКШга кайрылып: "Биз шартсыз багынып беребиз деп ойлогондор бул кыялдарын мүрзөлөрүнө алып барышы керек. Биз өлкөбүздү бул кризистен алып чыгуу үчүн акырына чейин бекем турабыз", - деди.