Марлен Маматалиев Франциянын Кыргызстандагы элчиси Николя Фай менен жолукту

Бүгүн, 9-мартта Жогорку Кеңештин төрагасы Марлен Маматалиев Франциянын Кыргызстандагы элчиси Николя Файды кабыл алды. Бул тууралуу парламенттин басма сөз кызматы билдирди.

Маалым болгондой, тараптар эки өлкө ортосундагы саясий-экономикалык, маданий-гуманитардык мамилелерди өнүктүрүү маселелерин талкуулап, парламенттер аралык өнөктөштүктү өрчүтүү тууралуу да сөз кылышты.

Маматалиев Кыргызстан Франция мамлекети менен бардык багыттагы кызматташтыкты кеңейтүүгө кызыкдар экендигин белгиледи. Ошондой эле парламенттик дипломатиянын ролу чоң экенине токтолгон төрага депутаттардын эки тараптуу жолугушууларын жана иш сапарларын уюштуруу зарылчылыгын кошумчалады. Айрыкча депутаттык достук топторунун байланышын чыңдоо учур талабы экенин билдирди.

Ал эми элчи Николя Фай айтылган сунуш-пикирлердин маанилүү экенин белгилеп, Кыргыз-Франция кызматташтыгын кеңейтүү багытындагы демилгелери менен бөлүштү.