Жибек-Жолу көчөсүндөгү жаңы көпүрө жакында ачылат

Бишкектин Жибек-Жолу проспектиндеги көпүрөнүн түндүк тарабы ушул дем алыш күндөрү ачылат.

Реконструкцияга чейин көпүрөнүн туурасы 9 метр болчу, оңдоо иштеринде кеңейтилип, азыр 13 метрге жетти. Көпүрөнүн жалпы туурасы 34,3 метрди, ал эми узундугу 25 метрди түзөт.

Белгилеп кетсек, транспорт кыймылы түндүк тарабында уюштурулат, ал эми түштүк тарабынын ачылышы март айынын аягына пландалууда.

Мэрия тиешелүү кызматтар учурда реконструкцияны аяктоо боюнча иштерди улантып жатканын кошумчалады.

Буга чейин аталган көпүрөнүн түндүк тарабын бүгүн, 10-мартта ачуу пландалганы маалымдалган. Анын ачылышы аба ырайына байланыштуу жылдырылды.