Өкмөт жооп берет: Орусияда "конок визасы" менен иштөөгө уруксат берилеби?

Урматтуу колдонуучу, сизде өкмөткө, ага тиешелүү министрликтерге берилүүчү суроолор жана чечилбеген маселелер барбы? Анда «Суперстандагы» «Өкмөт жооп берет» бөлүмүнө суроолоруңузду калтырыңыз. Суроолоруңузга тиешелүү тармактардын адистеринен жооп алып берүүгө даярбыз.

Суроо: - Саламатсызбы! Мен Орусияга "конок визасы" менен барып, мөөнөтү бүтө электе жумушка орношо аламбы? Эгер уруксат берилсе, жаңы карточка алуум керекпи? Же мөөнөтүм бүтө электе өлкөдөн чыгып, кайра киришим керекпи? Суроо калтырган Rucalka

Жооп: - Кыргызстандын жаранына Орусияга кирүү үчүн эч кандай «конок визасынын» кереги жок. Орусия Федерациясына кирген чет элдик жаран келгенде 7 күндүн ичинде миграциялык каттоого турууга тийиш. Миграциялык каттоо 3 айлык мөөнөткө берилет. 3 айдын ичинде чет элдик жаран жумушка орношууга уруксат кагазын же патент алуусу зарыл.

Суроого Тышкы иштер министрлигинен жооп беришти.

Эгер сизде да суроолор болсо, анда "Өкмөт жооп берет" бөлүмүнө кириңиз.