Президент тынч митингдерге тыюу жок экенин айтты

Президент Садыр Жапаров өлкөдө тынч митинг-пикеттерге тыюу жок экенин айтты. Өлкө башчы бүгүн, 11-марттагы Жогорку Кеңештин жыйынында аянтка, сот, прокуратура жана башка жерлердин алдында гана митинг өткөрүүгө тыюу салынганын белгиледи.

"Горький паркы акциялар өтүүчү жер. Ал жерге мэрияга билдирүү берип коюп эле өткөрө берсеңер боло берет. Ал үчүн бийликтен уруксат сураштын кереги жок",- деди өлкө башчы.

Айта кетсек, Бишкектин борборунда митинг өткөрүүгө салынган тыюу улам-улам узартылып келет.