Чубак ажы Жалилов: “Кыргызстан мусулмандар дин башкармалыгынын уставын жазууда мен муфтийге көз карандысыз болушум керек"

“Кыргызстан мусулмандарынын дин башкармалыгынын алдында өтө турган Кыргызстан мусулмандарынын кезексиз курултайында КМДБнын уставы каралып, курултайга сунуш кылына тургандыгына байланыштуу Чубак ажы Жалиловдун жогорку диний билим, иш тажрыйбасы эске алынып, устав долбоорун кароо, текшерүү, иштеп чыгуу комиссиясынын төрагасы болуп дайындалсын” деп жазылат Кыргызстан мусулмандарынын Азирети муфтийинин милдетин аткаруучу Максатбек ажы Токтомушевдин №27-буйругунда.

Бул туурасында Чубак ажы Жалилов: “КМДБнын уставын жазууда мен муфтийге көз карандысыз болушум керек. Мындан улам Бишкек шаарынын казысы кызматынан бошотушту”, - дейт.