Өкмөт жооп берет: Орусияда ыктыярдуу медициналык камсыздандыруу кагазын кантип алууга болот?

Урматтуу колдонуучу, сизде өкмөткө, ага тиешелүү министрликтерге берилүүчү суроолор жана чечилбеген маселелер барбы? Анда «Суперстандагы» «Өкмөт жооп берет» бөлүмүнө суроолоруңузду калтырыңыз. Суроолоруңузга тиешелүү тармактардын адистеринен жооп алып берүүгө даярбыз.

Суроо: - Москва шаарында жашайм. Жакында кыздуу болгом. Ага ыктыярдуу медициналык камсыздандыруу кагазын (ДМС) алайын дегем. Кантип алсам болот жана баасы канча турат?

Жооп: - Орусияда жүргөн Кыргызстандын жаранына ыктыярдуу медициналык камсыздандыруу (ДМС) алууга мүмкүнчүлүктөр түзүлгөн. Учурда Кыргызстандын Орусиядагы элчилиги "Росгосстрах" компаниясы менен биргелешип «Гость» деген полисти иштеп чыгышкан. Баасы 45 доллар. Бир жылдык мөөнөткө берилет. Андан тышкары бөлөк компанияларга да кайрылып көрсөңөр болот.

Суроого Тышкы иштер министрлигинен жооп беришти.

Эгер сизде да суроолор болсо, анда "Өкмөт жооп берет" бөлүмүнө кириңиз.