Фирмалык аталыштар жөнүндө мыйзамга өзгөртүүлөр жана толуктоолор киргизилди

Фирмалык аталыштар жөнүндө мыйзамга өзгөртүүлөр жана толуктоолор киргизилди. Документке өлкө башчы КРнын Президенти Алмазбек Атамбаев кол койду. Бул тууралуу президенттин басма сөз кызматы билдирди.

Мыйзамды Кыргыз Республикасынын Жогорку Кеңеши 2013-жылдын 18-декабрында кабыл алган.

Өзгөртүүлөрдүн максаты - "Фирмалык аталыштар жөнүндө" мыйзамдын айрым ченемдерин тактоо, "Товардык белгилер, тейлөө белгилери жана товарлар чыгарылган жерлердин аталыштары жөнүндө" жана "Фирмалык аталыштар жөнүндөгү" мыйзамдардын ортосундагы карама каршылыктарды жоюу болуп эсептелет. Ошондой эле мыйзамдын колдонуудагы редакциясында мамлекеттик жана расмий тилдериндеги болгон карама каршылыктарды жоюуга багытталган.

Мыйзам расмий жарыяланган күндөн тартып күчүнө кирет.