"Депутаттардын ишеним кат аркылуу добуш берүүсү парламенттеги тартипсиздикке жашыл жарыкты күйгүзүп берет" дейт Курмантай Абдиев

"Ишеним кат аркылуу добуш берүүгө укук берсек, анда ЖКдагы тартипсиздикти мыйзамдаштырып берген болобуз" дейт депутат Курмантай Абдиев 18-декабрдагы ЖКнын регламенти жана депутаттардын этикасы боюнча комитетинин жыйынында. Анын айтымында, ишеним кат аркылуу бобуш берүүнүн артынан жыйынга депутаттардын көпчүлүгү катышпай коёт. "Көрүп жатабыз, бүгүнкү күндө депутаттын жардамчысы "ооруп жатканыма байланыштуу жумушка чыга албайм" деп жазып таштап кетет. Ал депутаттын ооруканада жатканын бир Кудай билет. Эгер бул мыйзам долбоорун кабыл алсак, анда депутаттар арызын жазып, өзү каалагандай жүрө берет" дейт Абдиев.