Темир Сариев: “Жаңы өндүрүштү ишке киргизсек гана 2014-жылы экономикалык өсүштү 6,9 пайызга жеткире алабыз”

Бүгүн, 1-февралда КРнын Өкмөтүнүн  2013-жылдын жыйынтыгын чыгаруучу отурумунда экономика министри Темир Сариев “жаңы өндүрүштү ишке киргизсек гана 2014-жылы экономикалык өсүүнү 6,9 пайызга жеткире алабыз” деп билдирди. 

Анын айтымында, быйыл "Иштамберди", "Бозумчак", "Талды-Булак" кендери ишке кирсе, өкмөт экономикадагы пландалган көрсөткүчтөргө жетише алат.

“Кумтөр” маселесин чечүү керек. Эгерде меморандум кабыл алынса, бул экономика тармагындагы мерчемделген өсүштү багынтууга мүмкүнчүлүк берет”,- деди ал. Ошондой эле экспорт менен алектенген ишканаларга жеңилдиктер берилерин кошумчалады. Мындан сырткары тигүү цехтерине Кыргызстанда жасалгандыгын тастыктоочу белги маселесин чечүү керектигин айтты.