"Кыздардан Каныкей кыйын сүзөт экен" дейт Добр. ("Супер-Инфодон" жолдомо алгандар Шри-Ланка аралында эс алып жүрүшөт)     

Кыштын коюнунда жаткан Кыргызстандан күнөстүү Шри-Ланка аралына келген жылдыздар алыс жол жүргөндөгү чарчоолордон арылып, эс алып, өзгөчө көтөрүңкү көңүлдө жүрүшкөн кези. Эс алуунун экинчи күнүндө толкун менен жарыша сууга түшүшүп, шаар аралап жергиликтүү калк менен таанышып, бассейнде жарышканга да жетишишти. Башка жактардан келген конокторго өлкөсүн, анын ичинде отелин да жакшы жагынан көрсөткүсү келген кызматкерлер жагымдуу сюрприздери менен кубантышууда. Алсак, кечкисин жандуу музыка, мыкты ырдаган ырчылар дүйнөлүк шедеврлерди аткарып беришсе, таңкы ашка чогулган коноктор үчүн скрипканын коштоосунда керемет чыгармаларды аткарып беришүүдө.