Бактыбек Калыев: "Күнөөмдү моюнга албайм"

Бүгүн 2010-жылкы 7-апрель кандуу окуясы боюнча сот процессинде мурдагы Коргоо министри Бактыбек Калыев көрсөтмө берди. Ал эки жыл мурдагы окуяларга эч кандай тиешеси жоктугун айтып, "мурдагы бийликтин тушунда кабыл алынган чечимдерге өз пикиримди билдиргем” дейт. Андыктан ага тагылып жаткан бардык айыптарды моюнга албасын билдирди. Ага "Бакиевдин тушунда элдин кызыкчылыгына каршы чечимдерди кабыл алууга катыштыгы бар жана 7-апрель күнү Ак үйдү коргоодо кызматынан кыянаттык менен пайдаланып, атайын багыттагы аскер кызматкерлерин алып келген" деген айып тагылууда.