Айыл чарба министри кызматына талапкер: “Кыргызстанда үрөндүн сапатын жогорулатуу зарыл”

“Кыргызстанда дан эгиндери боюнча үрөндүн сапатын жогорулатуу зарыл”,- деп билдирди ЖКнын Адам укуктары, конституциялык мыйзамдар жана мамлекеттик түзүлүш комитетинин 4-февралдагы жыйынында айыл чарба жана мелиорация министри кызматына талапкер Таалайбек Айдаралиев. Айтымында, сапаттуу үрөн – айыл чарба өндүрүмүн жогорулатуунун башаты.

“Чет өлкөгө чыкканда көрүп жатам. Кыргызстандагы айыл чарба тармагын реформалоого болот. Бюджеттен бөлүнгөн каражатты үнөмдүү пайдалануу зарыл”,- деди талапкер.

Депутаттар “Кийинки жылы төө буурчактын баасы түшүп кетсе эмне кылабыз?” деп суроо беришти.

Айдаралиев “биздин божомол боюнча, төө буурчактын баасы кийинки жылы азыркыдан көп деле арзандабайт” деди.