Жогорку Кеңеш бүгүн “Кумтөр” маселесин ары же бери кылат

Жогорку Кеңештин жыйынында бүгүн, 5-февралда “Кумтөр” боюнча өкмөттүн жаңы меморандуму каралат. Жантөрө Сатыбалдиев баштаган өкмөт өкүлдөрү жаңы ишкана түзүп, үлүштү 50х50 пайыздан бөлүү демилгесин жактап, депутаттардын суроолоруна жооп беришет.

Эскерте кетсек, “Центерра” менен сүйлөшүүгө барган өкмөт 2013-жылдын октябрь айында үлүштү 50х50 пайыздан бөлүү сунушун парламентке алып чыккан. Меморандумдун кыргыз тараптын кызыкчылыгына жооп бербей турганын айткан депутаттар үлүштү 67 пайызга жеткирүү, болбосо келишимден бир тараптуу чыгууну демилгелөө тапшырмасын берип Сатыбалдиевди кайрадан “Центерра” менен сүйлөшүүгө жөнөткөн. Бирок өкмөт ал тапшырманы аткара алган жок. Айрым өзгөртүүлөр менен жаңы макулдашуу сунуштоодо.