“Ак-Өргө City” командасынын жигиттери жаӊы тасмада роль жаратышууда

“Тамашоу” долбоорундагы “Ак-Өргө City” командасынын оюнчулары  “Пентхаус” тасмасында роль жаратышты. Бул тууралуу топтун мүчөсү Самат Эркинбек уулу бүгүн, 5-февралда SUPER.KG порталына билдирди.

“Командабыз менен жаштарга ылайыктуу юморду, сүйүү баянын жана көптөгөн кызыктарды камтыган “Пентхаус” тасмасына тартылып жатабыз. Тасманын үстүнөн иштөө уланууда. Анын сценарийи биздин командага таандык. Анда Эмил Эсеналиев башкы ролду жаратты”,- дейт Самат.

Эске салсак, “Ак-Өргө City” командасынын жигиттери жакында клиптерге, тасмаларга сценарий жазуу менен алектене баштаганын жар салышкан.