Кыргызстандын жарандары өз пенсиясы жөнүндө маалыматты интернет аркылуу биле алышат

Бүгүн, 6-февралдагы маалымат жыйынында “Жыйынтык” коомдук уюмунун башчысы Жылдыз Төралиева “Кыргызстандын жарандары өз пенсиясынын болжолдуу көлөмү жөнүндө маалыматты интернет аркылуу алууга мүмкүнчүлүк түзүлдү"  деп билдирди.

Анын айтымында, ар бир жаран pensia.kg расмий сайтына кирип, Социалдык фондго маянасынан бөлүнгөн акча каражаттарынын көлөмүн биле алат. 

“Ошол көлөмдү пенсиялык жашка бөлүп, болжолдуу пенсиясын эсептегич менен биле алат. Кыргызстанда орточо пенсиялык жаш 16-17 жылга барабар”,- деди Төралиева.