Талас. Экс-президент Роза Отунбаева Бакай-Атада бала бакча ачат

Экс-президент Роза Отунбаева 25-октябрда Талас облусуна караштуу Бакай-Ата айылында биринчи бала бакчаны ачуу салтанатына катышат. Бала бакча жаңы үй эмеректери жана башка керектүүлөр менен жабдылып, баш-аягы 500 миң сомдун тегереги сарпталган. Роза Отунбаева өз сапарында Ак-Сай жана Көк-Ой айылдарына да барат. Анда бала бакчаларды ачуу үчүн базалар каралууда. Ошондой эле экс-президент Талас облусунун эли менен мектепке чейин билим берүү маселелери боюнча жолугушууларды өткөрөт.