“Кумтөр” маселеси: Макулдашуу комиссиясы бир жыйынтыкка келе элек

“Кумтөр” маселеси боюнча парламенттеги макулдашуу комиссиясы бир жыйынтыкка келе элек. Муну бүгүн, 6-февралда ЖКнын жыйынында төрага Асылбек Жээнбеков билдирди. “Сүйлөшүү аяктай элек, азыр да жүрүп жатат. Жакын арада бир жыйынтыкка келүүсү күтүлүүдө”,- деди төрага.

Эскерте кетсек, 5-февралда ЖКда “Кумтөр” боюнча өкмөт сунуштаган жаңы келишим каралган. Фракциялар ар башкача чечим кабыл алгандыктан, бирдиктүү чечимге келүү үчүн макулдашуу комиссиясы түзүлгөн.