Ысык-Көл облустук ИИББи балдар үйлөрүнө жардам берди

Ысык-Көл облустук ички иштер башкармалыгы тарабынан 15-16-декабрь күндөрү “Биз биргебиз” деген аталышта облус аймагындагы мүмкүнчүлүгү чектелген, ата-энесиз балдарга материалдык жардам көрсөтүү максатында акция болуп өттү. Эки апта аралыгында облустук ИИБнин кызматкерлери 4 балдар үйүнө барып, 16 томолой жетим, 10 мүмкүнчүлүгү чектелген балдарга материалдык көмөк көрсөттү. Жалпы көрсөтүлгөн жардамдын суммасы 79 миң сомду түзгөн. Ысык-Көл ОИИБи мындай акциялар мындан ары да улантыла турганын билдирди.