Каржы министри республикалык бюджеттин киреше-чыгашаларына оn-line режиминде көз салуусу үчүн электрондук портал иштелип чыкканын айтты

Жогорку Кеңештин «Ар-намыс» фракциясы бүгүн, 7-февралда каржы министри Ольга Лаврованын мекеме тарабынан 2013-жылы жүргүзүлгөн иштер тууралуу маалыматын укту.

Министрдин айтымында, өткөн жылы бюджеттик мекемелердин кызматкерлеринин эмгек акысын пластикалык картага өткөрүү жаатында жигердүү иш-аракеттер көрүлгөн. Ошондой эле өлкө казынасынын кирешелери менен чыгашаларына, мамлекеттик сатып алууларга, тышкы карыздарга калктын on-line режиминде көз салуусу үчүн үч электрондук портал иштелип чыкканын билдирди. Бул тууралуу Жогорку Кеңештин басма сөз кызматы маалымдады.