Мамлекеттик каттоо кызматынын башчысы Эрлан Сапарбаев кызматынан бошотулду

Мамлекеттик каттоо кызматынын башчысы Эрлан Сапарбаев кызматынан бошотулду. Буйрукка 7-февралда премьер-министр Жантөрө Сатыбалдиев кол койду. Башка буйруктун негизинде Элдияр Убалиев Мамлекеттик каттоо кызматынын төрагасынын милдетин аткаруучу болуп дайындалды. 

Эскерте кетсек, аталган кызматка Сапарбаев "Ар-намыс" фракциясынын сунушу менен дайындалган. Жакында аталган фракция Э.Сапарбаевдин ишин "канааттандырарлык эмес" деп таап, аны чакыртып алуу чечимине келген. Бошогон орунга "ар-намысчы" депутат Абдырахман Маматалиевдин уулу Марлен Маматалиевдин барары тууралуу сөздөр чыккан.