Москвада кыргызстандык балдарга кыргыз жана орус тили боюнча акысыз сабактар кайрадан өтүлө баштады

Орусиянын Москва шаарында кыргызстандык балдарга кыргыз жана орус тили боюнча акысыз сабактар кайрадан өтүлө баштады. Бул тууралуу бүгүн, 10-февралда уюштуруучулар маалымдашты.

Маалыматка ылайык, сабактар ар жекшемби күнү саат 11ден 14кө чейин өткөрүлөт. Окуу 16-февралда башталат.

Уюштуруучу "Зирек Club" демилгечи тобу Орусиядагы Кыргызстандын элчилигинин колдоосу менен 2013-жылдын февраль айында ишин баштап, белгилүү себептерден улам сабактар токтотулган эле.