Оор кылмыштарды кечирбөө тууралуу мыйзам долбоору үчүнчү окууда комитетте жактырылды

Парламент депутаты Айнуру Алтыбаева оор кылмыштардын эскирүү мөөнөтүндөгү чекти алып салууга багытталган мыйзамды экинчи окууга кайтарып келүүнү сунуштоодо. Муну бүгүн, 11-февралда Мыйзамдуулук, укук тартиби жана кылмыштуулукка каршы күрөшүү комитетинин жыйынында комитет төрагасы Кенжебек Бокоев билдирди. “Алтыбаева мыйзам долбооруна толуктоо киргизүү керектигин айтууда, бирок сунушу кеч айтылды. Үчүнчү окууда мыйзам долбооруна өзгөртүү киргизе албайбыз”,- деди Бокоев.  

Мыйзам долбоору үчүнчү окууда жактырылып, палатага чыгаруу чечими кабыл алынды.