Баткенде мектеп директору 100 миң сом акчаны мыйзамсыз жол менен айлык катары бөлдүрүп алганы үчүн айыпталууда

ИИМ билдиргендей, Баткен облусундагы райондук мектептердин биринен 100 миң сом уурдалганы белгилүү болду. Маалыматка ылайык, Актатыр айыл округундагы мектептин мурунку директору "кызмат абалынан кыянаттык менен пайдаланып, коррупциялык кылмыш кылган" деп айыпталууда. 2011-жылдын ноябрь айынан 2012-жылдын сентябрь айына чейин мектепте иштебеген адамдардын атынан жалган документ толтуруп, аларга айлык которулган. Мунун кесепетинен мамлекетке 100 миң сом зыян келтирилгендиги айтылууда. Бул факты боюнча кылмыш иши козголуп, учурда иликтөө иштери жүрүп жатат.