Академик Мамбет Мамакеев “Кыргызстанда медицина боюнча окуткан бир гана окуу жай болушу керек” деди

Академик Мамбет Мамакеев өлкөдөгү жогорку окуу жайларындагы билим берүүнүн сапатына нааразы. Муну академик бүгүн, 11-февралда Жогорку Кеңеште өтүп жаткан “Кыргызстандагы илимдин жана инновациянын абалы, алардын өнүгүү келечеги” аттуу парламенттик угууда билдирди. Айтымында, медициналык окуу жайлар кадр даярдоодо чабалдык кылышууда.

Академик Жалал-Абаддан Бишкекке которулган 4-курстун эки студентинен сынак алганын, алар адамдын организми тууралуу жөнөкөй нерселерди билбей турганын айтты.

Анын пикиринде, Кыргызстанда медициналык жактан кадр даярдаган бир гана окуу жай болушу керек.