Кыргызстанда январь айында ун, нан, этке болгон баа кымбаттаган

Январь айында өлкөдө ун, нан жана этке болгон баа кымбаттаган. Бул тууралуу Улуттук статистикалык комитети маалымдады. 

Маалыматка ылайык, жалпы керектөөчүлөр баасынын өсүшү жалпысынан 0,5 пайызга барабар болгон. Ун - 0,2 пайыз, нан - 0,6 пайыз, эт 0,9 пайызга кымбаттаса, жер-жемиштердин баасы 3,3 пайызга өскөн. Ал эми сүт азыктарынын баасы 1,9 пайызга жогорулаган. Өткөн айдагы баалар боюнча эң жогорку көрсөткүчтөр Жалал-Абад облусунда катталган.