Баткен. Кадамжайда малдын кутурма оорусун аныктоо боюнча текшерүү жүрөт

Баткен облусуна караштуу Кадамжай районундагы Орозбеков айыл аймагынын Гүзөр айылында 11-февраль күнү М.Казаковдун бир баш уюнун кутурма оорусуна чалдыкканы байкалган. Бул тууралуу бүгүн, 12-февралда ӨКМнын басма сөз кызматы билдирди.

Баткен облустук ветеринардык диагностика борборунун №3-жыйынтыгынын негизинде аныкталган.

Учурда мал менен байланышта болгон жарандар кутурма оорусуна каршы эмдөө алып жатышат. Жашоочулар мал-жандыктарын текшерүүдөн өткөрүп, ооруга каршы вакциналоо жүрүп жатат.