Юридикалык мекемелердин аталышын жөнгө сала турган мыйзам долбоору 2-окуудан өттү

Жогорку Кеңеште бүгүн, 12-февралда юридикалык органдардын аталыштарын жөнгө салууга багытталган мыйзам долбоору каралып, 2-окууда добуш берүүгө жөнөтүлдү.

Мыйзам долбоорунда Кыргызстан аймагындагы юридикалык жактардын мамлекеттик органдар менен мекемелердин аталышы менен аталуусуна тыюу салынат. Юридикалык жактардын кызмат аталыштары мамлекеттик кызмат орундарынын аталышын кайталабоого тийиш. Эгер ошондой аталып калса, юридикалык жактар өз аталышын өзгөртүүгө мажбур болот.