Депутаттар Дүйнөлүк банк бере турган 16 миллион доллардын баарына мектеп курууну сунушташты

Жогорку Кеңештин 12-февралдагы жыйынында депутаттар Дүйнөлүк банктан алына турган 16,5 миллион доллар акчанын баарына мектеп курууну сунушташты. Депутат Дастан Жумабеков: “Бул акчага ондон ашык мектеп курулмак. Кийинки муун да насыянын натыйжалуу пайдаланылганын айтып жүрүшмөк”,- деди. Башка депутаттар билим берүүнүн сапаты жок болсо, мектеп куруу менен пайда чыкпай турганын айтышты.

Билим берүү жана илим министри Канат Садыков сунуш эске алына турганын билдирди. “3-9-класстын окуучулары үчүн 16 аталыштагы окуу куралдары басылып чыгат. Ага 7 миллион 867 миң доллар жумшалат”,- деди ал.