Мурда Жантөрө Сатыбалдиев жетектеп турган дирекциянын ишин иликтеген депутаттык комиссиянын төрагасы маалымат берди

Жогорку Кеңеште бүгүн, 13-февралда убагында Жантөрө Сатыбалдиев жетектеп турган Ош жана Жалал-Абад шаарларын калыбына келтирүү боюнча мамлекеттик дирекциянын ишин иликтеген депутаттык комиссиянын төрагасы, Жогорку Кеңештин депутаты Нарынбек Молдобаев маалымат берди. Ал дирекциянын ишиндеги мыйзам бузуулардын негизгилерин белгиледи. Тендерлерди өткөрүүдөгү мыйзам бузуулар, бааларды жасалма жол менен көтөрүү, курулуштардын сапатсыздыгы айтылды. Депутаттарга слайд аркылуу Ош жана Жалал-Абад шаарларында курулган көп кабаттуу үйлөрдүн абалы көрсөтүлдү.