Бишкек - Нарын - Торугарт унаа жолун оңдоого 192 миллион доллар жумшалды

Бишкек - Нарын - Торугарт унаа жолун оңдоого 192 миллион доллар жумшалды. Муну бүгүн, 14-февралда Транспорт жана коммуникация министрлиги билдирди. Жолду оңдоо иштери (1-фаза. 9-103-чакырымы, 2-фаза. 103-148-чакырымы, 3-фаза. 214-272-чакырымы) толук аяктады.

“Бул иштер белгиленген мөөнөттөн 10 айга эрте бүткөрүлдү. Кытайдын Экспорттук-импорттук банкы тарабынан 200 миллион доллар бөлүнсө, жолду оңдоо иштерине 192 миллион доллар жумшалды. Бул келишимдин баасынын 96,2 пайызын түзөт”,- деп маалымдады министрлик.