Абдимамат Мурзабеков: “Кыргызстанда акы төлөп жүрүүчү жолдорду курууга азыр мүмкүн эмес”

“Кыргызстанда акы төлөп жүрүүчү жолдорду курууга азырынча мүмкүн эмес”,- дейт “Республика” фракциясынын 14-февралдагы жыйынында транспорт жана коммуникация министринин орун басары Абдимамат Мурзабеков. “Элге тандоо бериш керек. Кааласа акчасын төлөп автобан менен жүрүшсүн, каалабаса жалпы колдонуудагы жолдор менен жүрө беришсин. Пландар бар, бирок долбоор азырынча ишке ашпай жатат”,- деди министрдин орун басары.

Жыйында Жол-кайгуул кызматынын башчысы Талантбек Исаев Кыргызстанда 993 миң автоунаа бар экенин билдирди.