Ахматбек Келдибековдун СИЗОдо отуруу мөөнөтү 27-мартка чейин узартылды

Жогорку Кеңештин “Ата Журт” фракциясынан депутаты Ахматбек Келдибековдун СИЗОдо отуруу мөөнөтү 27-мартка чейин узартылды. Бул тууралуу бүгүн, 14-февралда КРнын Жогорку Сотунун басма сөз кызматы билдирди.

Маалым болгондой, Октябрь райондук сотунун көчмө жыйынында судья, прокуратуранын доосун териштирип, Ахматбек Келдибековдун СИЗОдо отуруу мөөнөтү 2014-жылдын 27-мартына чейин узартылды.

Эскерте кетсек, депутат Ахматбек Келдибеков “кызмат абалынан кыянаттык менен пайдалануу” жана “коррупция” беренелеринин негизинде күнөөлөнүп жатат. Учурда ал Бишкектин №4-шаардык ооруканасында дарыланууда.