“Республика” фракциясы унаа жолдорун өнүктүрүү маселесин палатага алып чыгуу чечимине келишти

Бүгүн, 14-февралда “Республика” фракциясынын жыйынында өлкөдөгү унаа жолдорун өнүктүрүү маселеси каралды. Транспорт жана коммуникация министрлиги оңдолгон жана жаңы курулган жолдор, аткарыла турган долбоорлор боюнча маалымат берди. Депутат Абдыжапар Бекматов “Жол боюнча органдардан көп нерсе жок, аттарын окусаң тилиң сынат. А бирок жолдорубуздун абалы оорлошуп жатат” деп министрликтин ишине нааразы экенин билдирди. Маселени палатага чыгаруу сунушу айтылып, фракция мүчөлөрү колдошту.