“Сочи-2014”. Бүгүн, 19-февралда кыргызстандык Евгений Тимофеев 8 медалдын бирине ат салышат

Бүгүн, 19-февралда “Сочи-2014” Кышкы Олимпиадасында кыргызстандык Евгений Тимофеев тоо-лыжа спортунун слалом-гигант түрү боюнча оюн көрсөтөт. Бул тууралуу Олимпиаданын расмий сайты билдирет.

Маалыматка ылайык, спорттун бул түрүнөн медаль үчүн 109 спортчу жарышка түшөт. Кыргызстандык спортчу жарыш талаасына 100-болуп чыгат.

Бүгүн, 18-февралда “Сочи-2014” Олимпиадасында жалпысынан 8 комплект медаль ойнотулат. Биатлон, бобслей, тоо-лыжа спорту, лыжа менен жарышуу (2 медаль), коньки тээп ылдамдыкка чуркоо, сноуборд (2 медаль) спортторунан медалдар ойнотулат.   

Оюндардын тизмеси жана башталыш сааттары:

Биатлон (Бишкек убактысы боюнча 20:30да башталат. Эстафета).

Бобслей (Кыз-келиндер ортосунда үчүнчү жарыш 22:15те, экинчи жарыш 23:25те башталат).  

Тоо-лыжа спорту (Гигант слалом. Уландар арасында биринчи жарыш 13:00дө, экинчи жарыш 16:30да старт алат). 

Кёрлинг (Кыз-келиндер арасындагы жарым финал 16:00дө, уландар арасында жарым финал 21:00дө старт алат).

Лыжа тээп жарышуу (Командалык спринт. Кыз-келиндер арасында жарым финал 15:15те, финал 17:45те башталат. Уландар арасында жарым финал 16:05те, 18:15те старт алат).

Коньки тээп ылдамдыкка чуркоо (19:30. Кыз-келиндер арасында 5 000 метр аралык).

Сноуборд-кросс (11:15те старт алат).

Муз үстүндө бийлөө (21:00. Кыз-келиндер арасында кыска программа).

Хоккей (Уландар арасында чейрек финалдык оюндар. 14:00дө Швеция-Словакия, 18:30да Финляндия-Орусия, 23:00дө Канада-Латвия, АКШ-Чехия беттештери орун алат).