Азыркы учурда өлкө аймагындагы 700дөн ашык айылдын жашоочулары ичүүчү сууну ачык булактардан колдонушат

Азыркы учурда 700дөн ашык айылдын жашоочулары ичүүчү сууну ачык булактардан колдонушат. Көз каранды эмес тышкы жана улуттук эксперттердин баамында, айыл калкын ичүүчү суу менен камсыздоону жакшыртуу үчүн инвестициялардын болжолдонгон өлчөмү 20 миллиард сомду түзөт. Бул тууралуу бүгүн, 20-февралда Архитектура, курулуш жана турак жай-коммуналдык чарба мамлекеттик агенттигинин коллегиялык жыйынында белгилүү болду.

Ошондой эле борборлоштурулган канализация тутумдарына калктын 24 пайызы гана ээ. Бул тармакты жакшыртуу үчүн бюджетте жетишерлик каражат жок. Мындан улам эл аралык донорлордун колдоосуна муктаж.