Жалал-Абадда Ата Мекенди коргоочулардын күнүнө карата иш-чаралар өттү

Бүгүн, 21-февралда Жалал-Абад шаарындагы Барпы атындагы театрда 23-Февраль - Мекенди коргоочулардын күнүнө карата иш-чара болуп өттү. Аталган иш-чарага өкмөттүн Жалал-Абад облусундагы өкүлчүлүгүнүн биринчи орун басары Жумагүл Эгембердиева келди. Ал мекен коргоочуларын куттуктап, Ардак грамоталарды тапшырды.

Ошондой эле шаардагы коммуналдык маселелер боюнча вице-мэр Турдалы Темирбаев да куттуктап, мындан аркы иштерине ийгиликтерди каалоо менен акчалай сыйлыктарды, баалуу белектерди берди. 

Майрамдык иш-чарага ооганчылар, баткенчилер, Улуу Ата Мекендик согуштун катышуучулары, жалпысынан 400дөн ашуун адам келип, салтанат концерттик программалар менен коштолду. Бул тууралуу мэриянын басма сөз кызматы билдирди.