Жалал-Абадда эки баштуу музоо жарыкка келип, жарым сааттан кийин өлүп калды

Жалал-Абад облусунун Базар-Коргон районунун Кеңеш айылында эки баштуу музоо туулду. Бул туурасында аймактык “Сентябрь” каналынын кызматкери Байсал Кадыралиев бүгүн, 21-февралда билдирди.

Эки баштуу музоонун ээси Дилшад Заировдун айтымында, кечээ, 20-февралда ую тууй албай кыйналган. Аны союшуп, ичиндеги баласын алышкан. Бул учурда музоонун эки баштуу экендигине күбө болушкан. Бирок музоо жарым сааттан кийин өлүп калган.