Жогорку Кеңештин делегациясы иш сапары менен Түштүк Кореяга барат

Асылбек Жээнбеков башында турган Жогорку Кеңештин делегациясы Түштүк Кореяга иш сапары менен барат. Муну 22-февралда ЖКнын басма сөз кызматы билдирди. Иш сапар 24-27-февраль күндөрү өтүп, Жээнбеков Түштүк Кореянын премьер-министри Чон Хон жана өлкөнүн Улуттук ассамблеясынын төрагасы Канг Чанг-хи менен жолугушмакчы. Мындан башка да бир катар жолугушуулар болот. Делегациянын курамында депутаттар Нарынбек Молдобаев, Кенжебек Бокоев, Акуналы Досалиев, Эрнистина Кочкарова, Роман Шин жана Борбордук шайлоо комиссиясынын төрагасы Туйгунаалы Абдраимов бар.